Andalucia: viaxe de historia, luz e vivencias compartidas.

22 jul

O alumnado da 9ª e da 10ª Clase desfrutou, na segunda semana de xuño, dunha viaxe de estudos na que historia, cultura e convivencia se uniron para crear unha experiencia inesquecible. Durante varios días percorreron cidades tan emblemáticas como Granada, Córdoba e Sevilla, descubrindo algúns dos monumentos máis representativos do noso patrimonio, como a Alhambra, a Mesquita-Catedral, a Catedral de Sevilla ou os barrios históricos do Albaicín, a Xudería e Santa Cruz. Cada recuncho visitado permitiulles comprender mellor a riqueza histórica e cultural que deu forma a estas cidades. A aventura tamén deixou espazo para a diversión e o compañeirismo. A actividade de rafting no río Xenil puxo a proba o seu espírito de equipo, mentres que a visita a Isla Mágica lles regalou momentos de emoción e risas compartidas. Máis aló dos lugares visitados, esta viaxe estivo chea de experiencias, conversas e lembranzas que permanecerán unidas para sempre a este curso. Regresaron á casa coa mochila chea de vivencias, novas aprendizaxes e recordos compartidos que, sen dúbida, permanecerán na súa memoria como unha das experiencias máis especiais deste curso